Nadalina
Ovo van je štorija o Nadalini
more bit da vi znate Nadalinu, a
sva puca od lipote
a jema je da van pravo rečen ča i vidit
smantala bi ona i večega muškardina
a di neće vakega karonju ka ća san ja
a najskoli kad pere noge u dvoru, ajme
Kad Nadalina noge toča
srid dvora u maštilu
jo ke beleca ke finoća
insempja mladost cilu
Svi gledadu u noge bile
uz bačve karatile
jer slaja je od zrilog voća
kad Nadalina noge toća
Ref.
Nadalina, Nadalina
da si moja Nadalina
jemala bi muškardina
Nadalina, Nadalina
Joj da mi je onoga slatkoga od fešte
rozadi, galetini, mandulati, torte, krokanti
ni ništa slaje od slatkoga
more bit da je samo slaja Nadalina
cili dvor zamiriše i poludi kad ona pravi slatko, ajme
Kad Nadalina misi slatko
u dane isprid fešte
jo da je vidin bar na kratko
ča skriva ispod veste
Jer slatka je ka cukar fini
dok leti po kužini
i rado bi je jema svatko
kad Nadalina misi slatko
Ref.
Jaja se to cili svit zna
moredu spravljat na mali milijun način
i u sorbulu i na joko i sirova
a može ih se i u tvrdo i u meko i u gusto i u ritko
i sa svon mogućon spizon mutit
al’ kad Nadalina muti jaja, kad ih batije
to vam je prava fešta od jaj, ajme
Kad Nadalina muti jaja
zamuti pamet svima
i svakim danom sve je slaja
ka gucaj dobrog vina
Na sebi jema sve nalige
iz čačine butige
i svi je želu bez rataja
kad Nadalina muti jaja
Ref.
Aj ća, vaja poć leć
finila je i ova
al’ kad Nadalina gre leć
to pari ka da cvit počiva u cviću
Ma da mi je koji put vidit
kako se ono uvučije u posteju
i kako sva zamiriši
noć zasvitli, cvrčci počnu pismu
Nadalina, Nadalina
Kad Nadalina gasi sviću
kraj otvorenih škura
jer lito je i sve je u cviću
a malo noćni ura
Pod ponistru kad momci stanu
i napravu galamu
da požele joj pismon sriću
kad Nadalina gasi sviću
Ref.
Nadalina, Nadalina